HERE : ՍԻՐՈ ԱԿՆԹԱՐԹ

Այս ֆիլմը պետք է նայել: Նախ, որ այն մեր մասին է, հետո այն`  մարդու մասին է, սիրո ու ճանապարհորդության , հայի ու Հայաստանի :

Նկարահանվել է 2011թ-ին: Ռեժիսորն է Բրադեն Կինգը: Ֆիլմում շատ են հայ դերասանները (Ալլա Սահակյան, Նարեկ Ներսիսյան, Հայկ Գասպարյան), բայց գլխավոր հերոսները ազգությամբ հայեր չեն` Բեն Ֆոստերն ու Լուբնա Ազաբալը, ում հայրը մարրոկացի է, իսկ մայրը իսպանուհի: Նա ծնվել է Բելգիայում:

Այստեղ նա մարմնավորել է հայուհու կերպարը: Գնահատեք և մի կորցրեք սիրո պահը: Կյանքում մեզ միշտ չի բավականացնում երկու բան` սիրելն ու ճանապարհորդելը:

Ֆիլմը նայել այստեղ ` Мгновение любви / Here

Սիրո գաղտնիքների մասին…

Ամենամաքուրն ու  անթերին…ամենագեղեցիկն ու լուսավորը…ՍԵՐ:

Այս փաստավավերագրական ֆիլմը դիտելիս  Դուք կստանաք Ձեզ հուզող բոլոր հարցերի պատասխանները…

Դիտել ֆիլմը`  

  

Կոկո (կինոֆիլմ )

Այստեղ իմ շատ սիրելի դերասանուհի Օդրի Տատուն մարմնավորել է  լեգենդար մոդելիերի կերպարը` Կոկոյին, երբ դեռ Գաբրիել Շանել էր:

Ֆիլմը հանրությանն է ներկայացվել 2009 թ-ին: Ռեժիսորն է Անն Ֆոնտան: Կարծում եմ, երբ ֆիլմի ռեժիսորը կին է լինում հատկապես, այդ ֆիլմը  պիտի նայել: Ամեն դեպքում զգացմունքայնության առումով ֆիլմը շահում է:

Հետքրքիրն այս ֆիլմում այն է, որ ռեժիսորը անդրադարձել է ոչ թե Շանելի դժվարին ուղուն, այլ նրա կյանքից վերցրել է մի սիրո պատմություն և դրա հիման վրա կառուցել ֆիլմը:

Կոկոյի մասին ցանկացած ֆիլմ արժե դիտել, այս մեկը` հատկապես:

Դիտել ֆիլմն այստեղ`

                                                ԿոԿո

«Կանա~յք…քանի դեռ նայում ես նրանց` դու ապրում ես» Ալ Պաչինո «Կնոջ Բույրը» ֆիլմից

Ռեժիսոր Մարտին Բրեստի նկարահանած գեղեցիկ ֆիլմերից մեկն է: Այն սիրավեպ չէ, բայց սիրո մասին է: Այն զգացմունքային կինո է: Եթե չեք նայել անպայման նայեք, իսկ եթե դիտել եք արդեն` արժե մեկ անգամ ևս վայելել այն:

«Կնոջ Բույրը» ֆիլմ

ՈՉ ՍՈՎՈՐԱԿԱՆ ԱՍՏՎԱԾՈՒՀԻՆ

Համր` հետագայում նաև  հնչունային ֆիլմի աստղ` Գրետե Գարբոն շվեդամերիկյան դերասանուհի է (1905-1990) :  Նա այնդպես էլ չամուսնացավ, երեխաներ չունեցավ և շատ քիչ քանակությամբ ընկերներ ուներ: Հոլիվուդի թագուհին հատկապես կյանքի վերջին տարիներին խուսափում էր մարդկանցից: Նա մահացավ մենակ, այնպես ինչպես ինքն էր ցանկանում:

Ահա Միլեն Ֆարմերի երգը, որը նվիրված է Գարբոյին և կոչվում է հենց «Գրետա»` «Greta»: Այստեղ հնչում է Գարբոյի տարբեր ֆիլմերից վերցրած խռպոտ ու դրամատիկ ձայնը :

Սրանք այն արտահայտություններն են, որ գրեթե ամբողջովին նկարագրում են Գարբոյին.

«Ես չեմ պատկերացնում ինձ ամուսնացած կնոջ դերում…սարսափելի կոչում է » 

 

« Սեփական արժանիքները ցույց տալու համար ավելի շատ խելք է պետք, քան թերությունները կոծկելու համար»

 

«Սեքսը բարենպաստ է մաշկի համար » 

 

« Կյանքը կարող է հիասքանչ լինել, եթե իմանաս, թե ինչպես վարվել նրա հետ» 

 

«Ես երբեք չեմ ասել, որ ես ուզում եմ մենակ մնալ: Ես ասել եմ,որ ուզում եմ ինձ հանգիստ թողնեն, իսկ դրանք տարբեր բաներ են » 

 

«Աստղ լինելը հեշտ գործ չէ, այն պահանջում է հսկայական ժամանակ և դա ես ասում եմ ամենայն լրջությամբ » 

ԿԱՍԱԲԼԱՆԿԱ

Հոլիվուդյան ռոմանտիկ դրամա է, ստեղծված 1942  թ-ին: Ռեժիսորն է Մայկլ Կյորտիսը:

Դեպքերը տեղի են ունենում Երկորդ համաշխարհայինի սկզբներին մարրոկյան Կասաբլանկա քաղաքում:

Չնայած ֆիլմարտադրողները հույս չունեին, որ այն հաջուղություն կունենա, սակայն «Կասաբլանկան» ստացավ երեք «Օսկար» և սիրվեց հանրության կողմից:

Շաբաթ երեկոյան դիտելու իսկական ֆիլմ է` հին, գեղեցիկ, ռոմանտիկ: Բայց մինչ ֆիլմը դիտելը թրեյլերի փոխարեն դիտեք այս տեսահոլովակը.

Այս երգն իսկապես ստիպում  է  սիրահարվել

Ֆիլմը կարող եք նայել այստեղ `

                                                                 CASABLANCA FILM

ՊԵՐՍՈՆԱԺ

Վերնագիրը անգլերենով հնչում է այսպես Stranger than Fiction, բայց ռուսներն ինչպես միշտ դիպուկ վերնագիր են ընտրել` “Պերսոնաժ”: 

Արտադրությունը 2006թ., ԱՄՆ, ռեժիսոր Մարկ Ֆորստեր: Սա այն ֆիլմերից է, որտեղ կա դրամա, մելոդրամա, կոմեդիա և “ֆենտեզի”:

Ֆիլմի մասին չեմ պատմի, ինքներդ կդիտեք, միայն մի քանի հետաքրքիր փաստ կներկայացնեմ.

Ֆիլմի բոլոր հերոսների անունները հայտնի գիտնականների, նկարիչների, փիլիսոփաների, մաթեմատիկոսների ազգանուններով են: Մասնավորապես գլխավոր հերոսի ազգանունը` Կրիկ, համընկնում է այն գիտնականներից մեկի ազգանվանը, ով հայտնաբերել է ԴՆԹ-ն: Իսկ Հերալդ Կրիկի բերանում խնձորի առկայությունը բելգիացի սյուռեալիստ-նկարիչ Ռենե Մագրիտի  “Մարդու որդին” նկարի խորհուրդն ունի.

Դիտել “պերսոնաժ” ֆիլմն օնլայն